सुदुरपश्चिममा सुरु भयो अन्तराष्ट्रिय सम्मेलन, प्रदेश प्रमुखले गरे उदघाटन
Home News मुख्य समाचार

सुदुरपश्चिममा सुरु भयो अन्तराष्ट्रिय सम्मेलन, प्रदेश प्रमुखले गरे उदघाटन

इन्जिनियर खबर - Feb. 17, 2026 542 views
images/WhatsApp_Image_2026-02-17_at_10.35.08.jpeg
images/WhatsApp_Image_2026-02-17_at_10.35.08.jpeg
Text Size

सुदुरपश्चिम विश्वविद्यालयले नेपाल मटेरियल्स साइन्स सोसाइटीसँगको समन्वयमा आज देखि  महेन्द्रनगरमा "International Conference on Heritage, Innovation and Transformation" को तेस्रो संस्करणको आयोजना गरेको छ। आज महेन्द्रनगर स्थित केन्द्रिय क्याम्पसमा सुदुरपश्चिम प्रदेशका प्रदेश प्रमुख नजिर मियाँले सम्मेलनको उदघाटन गरेका हुन्।

images/WhatsApp_Image_2026-02-17_at_10.35.08.jpeg

images/WhatsApp_Image_2026-02-17_at_10.35.08.jpeg

सम्मेलनमा २३ देशका ३०० भन्दा बढी ख्याति प्राप्त विद्वान, अनुसन्धानकर्ता र शिक्षाविद्हरूको सहभागिता रहेको र यसले सुदुरपश्चिमलाई विश्वसँग जोड्न मद्दत गरेको सुदुरपश्चिम विश्वविद्यालयका इञ्जिनियरिङ संकायका डीन प्रा डा किसन दत्त भट्टले बताउनु भयो।

कार्यक्रममा विभिन्न विश्वविद्यालयका उपकुलपति, सुदुरपश्चिम प्रदेश अन्तर्गतका कैलाली र कन्चनपुर् जिल्लाका विभिन्न स्थानीय तहका प्रमुख, उपप्रमुख, क्याम्पसका प्रमुख, निर्देशक, प्राध्यापक, विद्यार्थीहरुको सहभागिता रहेको थियो। सम्मेलनमार्फत संस्कृति, नवप्रवर्तन र रूपान्तरण जस्ता विषयमा शैक्षिक संवाद, अनुसन्धान निष्कर्ष र अनुभव आदन प्रदान गरिने आयोजकले जनाएको छ।

सुदुरपश्चिम विश्वविद्यालयका उपकुलपति प्रा डा हेम राज पन्तको अध्यक्षतामा उदघाटन सत्र सम्पन्न भएको थियो। उदघाटन सत्र लगत्तै प्राविधिक सत्रहरुको आयोजना हुनेछ। आज २ वटा प्लेनरी, ५५ वटा आमन्त्रित र एउटा राउण्ड टेबल सत्र आयोजना हुनेछ।  कार्यक्राम आगामी तीन दिन सम्म चल्नेछ। यस अघि २०२२ को डिसेम्बर र २०२५ को फेब्रुअरीमा सम्मेलनको पहिलो र दोस्रो संस्करण आयोजना भएको छ। गत वर्षका सम्मेलन भन्दा यस वर्षका सम्मेलनमा थप अनुसन्धानकर्ताहरुले आफ्नो अनुसन्धानहरु प्रस्तुत गर्ने विश्वविद्यालयले जनाएको छ।

सम्मेलनकै अवसरमा विश्वविद्यालयले कोरियाका जोनबुक नेशनल विश्वविद्यालयका प्राध्यापक हाक योग्ङ किमलाई अभिनन्दन गरिएको छ । 
किमको सुपरभिजनमा नेपालमा मात्र २१ जना विद्यार्थीले विद्यावारिधि गरेका छन् ।

विश्वविद्यालयको शैक्षिक पहुँच विस्तार र ज्ञान प्रसारको उद्देश्यअनुसार सम्मेलनका उदघाटन सत्र, ,प्यानल छलफल तथा विभिन्न सत्रहरू फेसबुकमार्फत प्रत्यक्ष (Live) प्रसारण गरिने समेत आयोजकले जनाएको छ ।समाज, संस्कृति र इतिहास, विज्ञान, इन्जिनियरिङ र प्रविधि, कृषि, वन तथा प्राकृतिक स्रोत व्यवस्थापन, स्वास्थ्य, जनसंख्या र आप्रवासन, विकास, नीति र योजना, सुशासन, शिक्षा र वातावरण, पारिस्थितिकी, उद्यमशीलता र व्यवसाय अर्थतन्त्र लगाएतका विषयबस्तुमा छलफल हुनेछ। 

images/WhatsApp_Image_2026-02-17_at_10.35.08.jpeg

 

images/WhatsApp_Image_2026-02-17_at_10.35.08.jpeg




Leave a Comment

Your email address will not be published. Required fields are marked *